కామం మూడుతలల రక్కసి. కామితార్థం సిద్ధించగానే లోభం బయలుదేరుతుంది. దొరికిన దానిని దాచి పెట్టి వృద్ధి చేయాలనే పిసినారి కోరిక. కోరినది దొరకకపోతే క్రోధం తలయెత్తుతుంది. తపస్సువల్ల కూడ స్వభావం మారకపోవచ్చు. భస్మాసురుని విషయం చూడండి. కోరి వరం ఇచ్చిన భగవంతుని నెత్తిమీదనే చెయ్యి పెట్టాలని తయారైనాడు. కామక్రోధ లోభములు మూడూ రజోగుణమునకు రూపములే. లక్ష్యమే ప్రధానమని అవలంబించే విధానములు ముఖ్యముకావని భావించి నిరంతరంగా రజోగుణ వ్యాపారం కొనసాగుతుంది. గమ్యం చేరుకోవటమే ముఖ్యం. అనుసరించే మార్గం ఏదైనా ఫరవాలేదు. అనుకోవటం రజోగుణ లక్షణం. లక్ష్యం ఉన్నంతంగానూ సాధనలు ఉత్తతమంగానూ వుండాలి.